Jarit kawung diwiru-wiru
Atiné bingung ora téyéng turu
Jarit kawung bakulé jamu
Atiné bingung péngin ketemu
Jarit kawung kecemplung banyu
Atiné bingung angger diwayu
Jarit kawung nyampir neng kayu
Atiné bingung pacaré mlayu
Jarit kawung degawa mlayu
Atiné bingung ora bisa ngguyu
Jarit kawung deselah nggudhang
Atiné bingung detagih utang
Jarit kawung debungkus koran
Atiné bingung akéh setoran
Jarit kawung lambang gula
Atiné bingung tanggal tuwa
Jarit kawung deselah senthong
Atiné bingung dhuwité entong
Jarit kawung agi delempit
Atiné bingung ora duwé dhuwit
Jarit kawung dejiret lawé
Atiné bingung nggoléti kowé
Jarit kawung degawé sarung
Atiné bingung ora wani nembung
Jarit kawung degawa neng kantor
Atiné bingung arep setor motor
Jarit kawung nggo mbuntel pakél
Atiné bingung bojoné jéngkél
Jarit kawung neng pasar wagé
Atiné bingung agi ora ngodhé
Jarit kawung neng ngisor cengkéh
Atiné bingung butuhé akéh
Jarit kawung bakulé srabi
Atiné bingung detinggal rabi
Jarit kawung wernané ireng
Atiné bingung pacaré meteng
Wernané ireng pinggiré bedhah
Pacaré meteng jaluk dinikah
Pinggiré bedhah debuang sawah
Jaluk dinikah ésih sekolah
Debuang sawah degrunut krangkrang
Esih sekolah umuré kurang
Degrumut krangkrang mrambat neng jurang
Umuré kurang wis nanggung wirang
Mrambat neng jurang ketiban cengkir
Nanggung wirang isin meng batir
Ketiban cengkir dewedhak jaé
Isin meng batir neng umah baé
Dewedhak jaé banjur dekomprés
Neng umah baé dadiné setrés
Banjur dekomprés karo banyu leri
Dadiné setrés arep bunuh diri
27102020