Tek regem atimu
Banjur tek elus alon
Tek buka lembaran
Tek tulisi rasa kasmaran
Tek gambar kaéndahan
Banjur tek cucup tatu atimu
Bén mari waras kaya wingi
Tek regem atimu
Gegem kenceng telenging kalbu
Gegandhéngan ora peduli wektu
Terus bebarengan
Tekan napas kang pungkasan
Tek regem atimu
Banjur tek gambar kasunyatan
Nglakoni urip brayan
Mituhu dawuhing Pangéran
Netepi kewajiban
Tek regem atimu
Bengi, ésuk, soré lan awan
Ora bakal kélangan
Ora bakal koncatan
Tak regem atimu
Nganggo tangan katresnan
Ajibarang, 11 Juli 2020